Toscana, RImini, Budapest

11. júní – Hótel Örk, Mílanó

Morgunmatur og svo golf með Bergþóru, Viktori og Iðunni, Alexandra var aðeins með og Guðjón prófaði á síðustu holunum.
Svo gufa með Viktori áður en við fórum heim.
Það var svo (auðvitað) seinkun á fluginu en við fórum til Keflavíkur seinni partinn.
Lentum í Mílanó um tvö og fórum á fínasta hótel, en það var reyndar aðeins frá flugvellinum og lestarstöðinni.

12. júní – Til Toscana

Fínn morgunmatur á hótelinu, Malpensa, svo leigubíll niður á lestarstöð, lest milli stöðva í Mílanó, svo til Flórens og þaðan sú þriðja til Empoli.
Kristín og Þórður sóttu okkur þangað og við fórum upp í sveit, þeas. Toscana, þar sem Hekla, Rakel, Assa, Sesselja og Áslákur biðu,
Þórður bauð upp á þetta frábæra Lasagne um kvöldið.

13. júní – Rigning, Coq au vin

Það rigndi eitthvað þarna, en við Þórður skruppum í smá verslunarferð til Empoli og Iðunn eldaði CocAuVin um kvöldið – virkilega vel heppnað en aðeins öðru vísi en áður.
Við Iðunn tókum lítið pókermót með Kristínu og Þórði, sem ég vann!

14. júní – Rigning, út að borða

Meiri rigning, Dísa, vinkona Össu mætti.
Fór aftur með Þórði til Empoli.
Svo út að borða „upp í fjall“ um kvöldið – maturinn allt í lagi og umhverfið fínt – sérstakt að fá ansjósur úr ómerktri dós.

15. júní – Sól og nautasteik

Við Þórður fórum enn eina verslunarferðina til Empoli, keyptum nautasteik héraðsins og Þórður eldaði, ég græjaði einhvers konar útgáfu af Bernaise sósu, fínasta steik, en matarlystin ekki mikil.
Veðrið eitthvað betra, amk. talvert mikil sól
Rakel fór heim seinni partinn.

16. júní – Hjálmar mættur

Hjálmar mætti á staðinn, það fór aftur að rigna.
En minnir að Dísa hafi séð um matinn.
Við Iðunn kíktum á Leonardo Da Vinci safn og einn bjór í „bænum“, Vinci, aðalsafnið var reyndar lokað.

17. júní – Til Rimini

Næsti áfangastaður, Þórður skutlað okkur til Empoli, um hádegi, þurftum aðeins að bíða eftir lestinni, fjórar ferðir til Rimini, vorum komin sjö / hálf – átta. Fengum mjög fínan mat á hótelinu, Hotel Life, hlaðborð með mjög góðum forréttum og allt í lagi aðalréttum.

18. júní – Fyrsti dagur á Rimini

Fínn morgunmatur á hótelinu, tókum smá rölt um nágrennið, fengum okkur smárétti á Mozi um daginn og ágætan kvöldmat á Nave.

19. júní – Rólegt

Röltum aðeins um nágrennið, gripum kaffi og bjór og snarl á staðnum á móti hótelinu.
Fórum á ítalskan stað um kvöldið, þjónustan ansi hæg, en maturinn fínn.
Gripum bjór á Atlantic um kvöldið, en nú brá svo við að staðurinn tók ekki kort.

20. júní – Ísland – Portúgal

Kíktum á ströndina og gripum snarl á Mozi.
Fengum okkur kvöldmat á hótelinu og horfðum svo á ansi svekkjandi leik Íslands og Portúgals á Mozi barnum.

21. júní – Ströndin

Rólegt á ströndinni, borðuðum á Sitopia um kvöldið, staður aðeins nær miðbænum, mjög góður matur.
Gripum bjór fyrir svefninn.

22. júní – Riccione

Vinnufundur um morguninn, svo sundlaug við hótelið, pizza og krækling á Nave.
Tókum strætó og lest til Riccione.
Bjór, kokkteil, bjór og matur við ströndina.
Furðulegt að það fylgdi matur með á öllum börum.
Tókum strætó frekar seint heim, engir leigubílar í boði.
Sérstakt að það var talsvert um hermenn í fullum skrúða í jeppum á rúntinum í miðbænum.

23. júní – HK – Breiðablik

Rólegt við sundlaugina, fengum okkur snarl á hótelinu og mat þar um kvöldið.
Horfðum á HK – Breiðablik, heldur betur skelfilegur leikur,
Snemma að sofa.

24. júní – Til Budapest

Morgunmatur á hótelinu og leigubíll upp á flugvöll.
Stutt og þægilegt flug, upp á hótel og fínasta snitsel í kvöldmat á hótelinu.

25. júní – Spago og Halli

Rólegur sunnudagur í Búdapest, kíktum í Arena Mall og Iðunn stóð sig svo vel að þegar hún sagðist þurfa að finna klósett þá gerði ég ráð fyrir að hún vildi kaupa..
En kíktum á Spago í frábæran kvöldmat, hittum svo Halla Guðsteins á kokteilbar ekki langt kirkjunni, bar sem Iðunn mundi sérstaklega eftir.
Halli var í fínum gír, var líka í tannaðgerðum, átti að vera farinn heim, en hafði misst af fluginu..

26. júní – Fyrsti dagur í aðgerðum

Iðunn fór um hádegi, ég reyndi að finna út úr vinnuaðstöðu og kaupa græjur en gekk ekki vel, tók megnið af deginum, fann samt hleðslutæki fyrir tölvuna og lyklaborð.
Létum einfaldan mat á hótelinu nægja um kvöldið.

27. júní – Tannlæknir og græjukaup

Iðunn aftur í aðgerðum, ég fór á flakk að kaupa græjur, litlar búðir, lítil enskukunnátta og lítið um græjur.
Fékk Kebab í bænum áður en við fengum okkur gúllassúpu á hótelinu.

28. júní – Skrifstofa, skoða

Kíkti á skrifstofuna sem ég ætla að leigja, Iðunn í stuttri tannlæknaferð, vinnufundur um umhverfismælingar.
Æfing, svo niður í bæ að finna naglaaðgerðastofu, Craft Beer (Madhouse), vínbar, frábær matur á Fabbrica og svo heim, svolítið drukkin.

29. júní – Vinna á hótelinu

Vann aðeins á hótelinu, kíktum í verslunarmiðstöðina á hinum endanum – fengum okkur ekkert sérstakan mat á Terrace.

30. júní – Vinna, Breiðablik – Buducnost

Fór upp á „skrifstofu“ og vann til tvö, sendi reikninga og kláraði nokkur mánaðamótaverk, æfingar, gufa, matur á hótelinu og Breiðablik – Buducnost, 5-0 um kvöldið.

1. júlí – Bæjarflakk

Fórum á smá flakk seinni partinn, eftir nokkur verkefni í vinnunni.
Búðir, barir, allt of síðbúnir smáréttir á Divine?
Matur á Ottimo um kvöldið, Iðunn hafði enga lyst og ég ekki mikla, en greinilega hafði einhver unnið kökukastkeppnina.
Fengum ekki nema flöskubjór á hótelinu, þrátt fyrir 11 tilraunir við að græja úr krana, rukkaði samt eins og við hefðum fengið stóran.
En loftræstingin ekki komin í lag enn..

2. júlí – Annað hótel

Loftræstingin ekki í lagi, fengum að fara á annað Danubius hótel, Helia. Tókum því samt rólega og fórum á indverska staðinn Swaad, en einhvern veginn alveg búin á því og fórum snemma að sofa.

3. júlí – Alexandra mætt

Vinna eitthvað fram eftir degi á leiguskrifstofunni, fórum svo niður í bæ og hittum Alexöndru, sem var einmitt nýkomin í bæinn.
Ekki sátt við Craft bjór staðinn sem við byrjuðum á að prófa en Marriott hótel barinn var lokaður.
Svo að borða á Százéves, fín stemming, mikil lifandi tónlist, jafnvel full mikil, maturinn ekkert sérstakur og undarleg uppákoma í lokin þegar þau báðu um að við borguðum vínið í Evrum og gáfu okkur aðra í staðinn!

4. júlí – Sigling á Dóná

Talsvert að vinna fram eftir degi á leiguskrifstofunni, nýtti hádegið í smá búðarráp. En borðuðum á hótelinu og Alexandra fékk sér bita sjálf.
Fórum svo á siglingu á Dóná með Alexöndru, kannski aðeins of snemma til að skoða upplýstar byggingar í myrkrinu.
Budvar á torginu og horfðum á framlengingu og vítakeppni hjá KA – Breiðablik áður en við fórum að sofa.

5. júlí – Marriott barinn og Gundel

Aðeins að vinna, hittum svo Alexöndru á Marriott barnum, með þetta svakalega útsýni yfir ána, fína drykki, háværa tónlist og talsverðan hita.
Þaðan á Gundel sem bæði Þorsteinn Sæm. og Jóhanna höfðu mælt með. Rosalega skemmtilegur staður með frábærar veitingar og ekki spillti vel heppnuð vínpörunin fyrir. Það var reyndar líka veisla hjá pöddunum á staðnum og Iðunn illa bitin.

6. júlí – Vinna og rölt

Aðeins að vinna fram yfir hádegi, fórum svo á smá rölt frá hótelinu, fyrst meðfram ánni, svo inn að bæ, en fundum ekki mikið af stöðum, loksins þokkalegan bjór bar en svo fljótlega til baka.
Borðuðum á KHAN, asískum stað, frábær matur, en vorum ekki lengi.

7. júlí – Rólegur dagur og Breiðablik – Fylkir

Borðuðum á hótelinu um kvöldið, sem reyndist vera mjög svo óspennandi hlaðborð, horfðum á Breiðablik vinna Fylki 5-1, í frekar döprum útsendingar skilyrðum.

8. júlí – Westend og Nobu – og Póker

Fórum í verslunarmiðstöðina Westend, svo sem ekki mikil frægðarför en allt í lagi að dunda okkur þarna.
Svo á japanska Nobu á Kempinski hótelinu, frábær matur, sem stóð vel undir væntingum.
Loksins á Póker stað og spiluðum aðeins, ég byrjaði á að kaupa mig inn fyrir 10.000 HUF, tapaði öllu á fyrsta spili með tvær tíur á móti tveimur ásum, 5.000 í viðbót fóru fljótlega en síðasta 5.000 viðbótin skilaði rúmlega 40.000. Iðunn keypti sig inn fyrir sömu upphæðir og kom út með 23.000.

9. júlí – Margrétar eyja og Hoppá

Fórum yfir á eyjuna, Margit-Sziget, með geðvondum leigubílstjóra. En röltum um, eiginlega stór skemmtigarður með baðhúsi og strönd og vatnsorgeli. Bjór, skiptum djúpsteiktum Camembert með okkur og svo kaffi og Aperol Spits áður en við röltum upp á hótel, með einu bjórstoppi.
Fórum á Hoppá Bistro um kvöldið, fær meðmæli frá Michelin og stóð heldur betur undir væntingum, fékk alveg nýja sýn á Cordon Bleu.
En svo snemma að sofa, enda Iðunn að mæta eldsnemma á morgun.

10. júlí – Vinna, tannlækningar og Tapas

Tvær tannlæknaheimsóknir hjá Iðunni, ég vann á hótelinu.
Smá hreyfing í lok dags og svo á spænska Tapas veitingastaðinn Unomas, fínasti matur, en vorum ekki lengi.

11. júlí – Vinna, tannlækningar og Breiðablik

Iðunn aftur til tannlæknis, ég reyndi að nota skrifstofuaðstöðu við Lehe 14, var ekki að virka, ekki nothæfur skjár, óhreint, heitt og þungt loft.
Vann svo aðeins á hótelinu áður en við fórum í Arena Mall og kláruðum að mestu að kaupa það sem okkur „vantaði“.
Borðuðum á einföldum stað Firkasz, fínn matur og þjónusta en kannski ekkert merkilegt.
Horfðum á fyrri hálfleik Breiðabliks á útivelli á móti írskum meisturunum í Shamrock Rovers á staðnum, tókum strætó heim á hótel og kláruðum leikinn þar – og í strætó – frábær 1-0 sigur.

12. júlí – Aftur til Arena

Síðasta heimsókn Iðunnar í tannlækningar. Ég fór í klippingu og ekki vel heppnaðan rakstur.
En komið að því að fara aftur upp á Hótel Arena til að komast með leigubíl út á flugvöll.
Rammstein voru með hljómleika á íþróttavellinum um kvöldið, höfðu líka spilað í gærkvöldi, mikið um merkta áhangendur á hótelinu.
Fórum að klára innkaup, slepptum indversku búðunum, fundum litla ferðatösku eftir talsverða og ruglingslega leit – en svakalegur hiti var ekki að hjálpa. En fundum mjög álitlegt hverfi sem einhvern veginn hafði farið fram hjá okkur, gripum nokkra bjóra og kokteila í viðbót.
Fengum frábæran mat á Cyrano í hádeginu en létum súpu og snitsel nægja á hótelinu um kvöldið.

13. júlí – Heim og Jónatan

Loksins heim, fórum frekar snemma að sofa, en ég vaknaði um eitt og náði ekki að sofna áður en við fórum út á flugvöll.
Ágætt flug en náði ekki að sofna í vélinni.
Viktor sótti okkur og við sóttum Jónatan eftir að hafa skutlað Viktori heim.
Fengum okkur pylsur í hádegismat, skoðuðum kort af ferðalögum fjölskyldunnar og vorum aðeins að leika þar til Elina og Jonni sóttu hann á leiðinni til Keflavíkur, Elina og Jónatan að fara til Lettlands, Jurmala [ekki Riga, eins og Jónatan var með á hreinu].
En algjörlega búin á því og fórum að sofa upp úr níu.

11.0°C

Elvis Costello, Nick Lowe

Kíktum með Bryndísi & Michael og Krissa & Rúnu – og hittum auðvitað fullt af gömlum félögum, vinum og kunningjum á hljómleikunum.

Við sáum Elvis Costello með hljómsveit á ströndinni á Malaga fyrir 15-20 árum, með hljómsveit og Allen Toussaint – frábærir hljómleikar og hann spilaði flest af okkar uppáhaldslögum.

Við sáum hann líka í Hörpu fyrir tæpum 10 árum, mjög flottir hljómleikar þó hann væri einn á sviðinu.

Nick Lowe byrjaði í gær, var í talsverðum ‘country’ gír og spilaði ekki lengi. Hann gerði sitt vel en tók svo sem ekki mörg af þeim lögunum sem ég kann best að meta. En hef fylgst með honum lengi og oft kunnað vel að meta, en svo hafa komið plötur sem hafa verið lítið spennandi.

Costello mætti með Steve Nieve sem spilaði á píanó, „Accidents will happen“ var fyrsta lag en svo komu ansi langt sett af lögum sem ég þekkti nú flest, en ekki á listanum yfir mín uppáhaldslög.

En píanóið var full fyrirferðamikið og alls kyns radd-æfingar.. svo sem allt í lagi í einhvern tíma, en þetta varð allt í einu allt of langt og allt of mikið – jafnvel þó það hafi nú verið búið að nefna að þetta yrðu að einhverju leyti óvenjulegir tónleikar. Einhverjir í hópnum voru nánast að sofna..

Hann náði að „bjarga andliti“ svona að mestu undir lokin, betri lög og sum í ágætis útsendingum. Hann tók tvö fín lög með Nick Lowe og þetta var eitthvað hálf dapurt, svona eins og þeir væru að raula saman í stofunni á fjórða glasi. Og þessi meðferð á Watching The Detectives var heldur betur ekki fyrir mig, Iðunn kunni samt vel að meta.

Kannski truflar mig líka að mæta með ‘skemmtara’ á svona hljómleika, trommuheila og bassa af einhverri barnagræju. Ég geri mér grein fyrir að ég er gamaldags að þessu leyti og auðvitað má leyfa sér svona á minni stöðum á einföldum hljómleikum… en þegar þú ert að selja miðann á 10-15 þúsund í sal eins og Hörpu þá er þetta ekki boðlegt.

Brúðkaupsafmælisferð

Til Orlando, laugardagur 29. apríl

Jónatan gisti hjá okkur og vaknaði snemma, eftir morgunmat og smá leiki fór hann með Alexöndru að kaupa gjöf fyrir Jökul. Þau skutluðu okkur svo til Keflavíkur áður en þau fóru í afmælið.
Fínt flug fyrir utan smá misskilning, bilað WiFi og vonda kjúklingasúpu – eiginlega afrek út af fyrir sig að hafa skraufþurran kjúkling í súpu!

Biðum ansi lengi eftir hótel skutlunni og tókum svo skutlu á vitalust Marriott hótel, en bílstjórinn bjargaði okkur nú samt.

Þar var ekki mikið í boði af mat, eiginlega ekki neitt eftir 11:00, annað en einn sjálfsali, sem var bilaður. En barinn var opinn og barþjónninn þar bjargaði smá snakki sem nægði til að halda okkur á floti.

---

Sigling, sunnudagur 30. apríl

Fínn morgunmatur og fínt kaffi á kaffihúsi hótelsins. Tókum svo Uber niður á höfn sem var eilítið sérstakt, leigubílstjórinn rakti raunir sínar á sem voru ansi skrautlegar. En við komum tímanlega og frábært að vera komin af stað, maturinn ekkert merkilegur en drykkjarpakkinn kom skemmtilega á óvart.

---

Nassau, mánudagur 1. maí

Fyrsta stopp siglingarinnar var í Nassau á Bahamaeyjum, ég náði aðeins að hreyfa mig áður en við fórum niður í bæ.
En í bænum var erfitt að taka út pening, ég var ekki með kort, Iðunn mundi ekki PIN á sínu og það tók tíma að komast í netsamband til að fletta upp.

En það hafðist í bjór á írskum bar, svo tók smá búðarráp við og þaðan á Pírata safnið.

Fengum okkur „ekta“ (að við höldum) mat á veitingastaðnum Bahamian Cooking, ma. eitthvað sem heitir Conch.
Kíktu svo á strá markaðinn og keyptum skyrtu á Jónatan, annars frekar rólegt og allt í lagi kvöldmatur á skipinu. Nema kannski að kom í ljós að við höfðum frekar takmarkaða valkosti á rauðvíni vegna drykkjarpakkans og ekki í boði að kaupa heila flösku þó við vildum.

---

Cay, þriðjudagur 2. maí

Næsta stopp var á Cay, sem er eyja í eigu skipafélagsins og settumst svo á bekki á ströndinni i þokkalegu veðri, Iðunn sólbrann aðeins og vorum svo sem ekki lengi.

Horfðum svo á Arsenal – Chelsea á barnum á skipinu og fórum í afar vonda og ómerkilega gin smökkun fyrir kvöldmatinn. Var frekar spenntur fyrir smökkuninni, en í boði var Beefeeter, Bombai og Tanqueri, allt ‘dry’ – einn skoskur sem var fínn og svo Hendricks. En borðuðum kvöldmat um borð.

Iðunn dró mig á Karaoke, svo sem betri þátttakendur en oftast, en samt ekki fyrir mig samt fínasta kvöld.

---

Á sjó, miðvikudagur 3. maí

Iðunn fór í naglalökkun og svo í klippingu, ég hljóp aðeins og en ráfuðum um skipið og skoðum megnið af deginum, prófuðum inni sundlaugina.

Þetta kvöld var Gala kvöld sem við tókum mátulega hátíðlega, samt aðeins, Iðunn í flottum kjól.

Við fengum okkur kvöldmat á Ocean Cay veitingastaðnum á skipinu. Mjög fínn matur fyrir utan pastað sem Iðunn fékk, alt of salt.

Seinna um kvöldið duttum við inn í póker, ekkert sérstaklega spennandi leikur, hver spilar á móti gjafara, hvert spil $20 og gekk svo sem mis vel, ég keypti fyrir $200 og kom út með $150, Iðunn keypti sig inn á $100 en kláraði.

Costa Maya, fimmtudagur 4. maí

Frekar óspennandi heimsókn í þorp við ströndina Costa Maya, framlenging á fríhöfn, nánast hvergi hægt að nota kreditkort og engir hraðbankar.

Þannig að við stoppuðum ekki lengi og fórum fljótlega upp í skipið aftur. Þar horfðum við á Breiðablik vinna Stjörnuna en tókum því að mestu rólega, kíktum aðeins upp á sólbaðsaðstöðuna á sextándu hæð.

Cozumel, föstudagur 5. maí

Aðeins stærri strandbær en Costa Maya og tókum leigubíl niður í bæ. Ekkert sérstaklega spennandi, oft erfitt að nota kort til að borga, reyndar voru nokkrir hraðbankar, en í fyrsta bankanum voru allir fjórir hraðbankarnir bilaðir og í þeim næsta aðeins hægt að taka út mexíkóska Pesóa.

Við náðum samt aðeins að versla og fengum fínan mat á veitingastaðnum Palmeras. En nokkuð heitt og vorum ekki lengi. Leigubíll upp á höfn og kvöldmatur á skipinu.

Hvítt þema á skipinu og partý uppi á 16. hæð um kvöldið, Iðunn búinn að fá sér kjól sem hæfði tilefninu.

Brúðkaupsafmæli, laugardagur 6. maí

Fínasti dagur, sváfum aðeins út, nudd eftir hádegi, ég fór í rakstur, svo smá slökun áður en við fórum í frábæran mat á Teppanyaki staðnum á skipinu.

Sennilega meira lagt upp úr skemmtiatriðum hjá kokkunum en á þeim Teppanyaki stöðum sem við höfum heimsótt.

Um kvöldið meira freyðivín og Iðunn spilaði rúllettu, keypti tvisvar fyrir $30 og átti $15 þegar yfir lauk. Smá rölt, en orðið ansi hvasst, fengum vondan Mojito og tókum svo bjór á náttfötunum út á svölum.

Heim, sunnudagur, 7. maí

Morgunmatur á skipinu, svo Uber upp á flugvöll, horfðum á Newcastle – Arsenal á barnum og fengum okkur bjór og svo hamborgara / mac’n’cheese hittum Heiðar Guðna en þokkalegt flug heim, þýski sessunauturinn sérstakur ferðafélagi. Lásum og horfðum á bíómyndir en náðum ekkert að sofa.

Fleiri myndir hér https://flic.kr/s/aHBqjADq8y

Jólakveðjur 2022 / Season’s greetings 2022

Jóla- og áramótakveðjur úr Kaldaseli 13

Season’s greetings from Kaldasel

Enn eitt árið að líða, ár sem hefur farið vel með okkur og kannski einkennst af ferðalögum.

Stórfjölskyldan fór til Tenerife í byrjun árs og kom þægilega á óvart.

Þá var nauðsynlegt að fylgja Viktori til Southampton þar sem loksins tókst að halda formlega útskriftarathöfn vegna doktorsnafnbótarinnar.

Fleiri ferðir reyndust nauðsynlegar – Akureyri, Hveragerði, London, Amsterdam, Búdapest og Liverpool eru reynslunni ríkari eftir að hafa fengið okkur í heimsókn.

En ekki síður hafa margir skemmtilegir „hittingar“ með vinum og fjölskyldu hjálpað til við að gera árið ógleymanlegt.

One more year gone by, a year that has treated us well, but maybe travelling

The whole family started the year in Tenerife at the beginning of the year, surprisingly nice, actually.

Then we had to accompany Viktor to Southampton for his graduation ceremony for his doctoral degree.

A few more necessary trips, Akureyri, Hveragerði, London, Amsterdam, Búdapest og Liverpool all benefitted from our presence.

But mainly, meeting friends and relatives regularly throughout the year has made it one more year to remember.

Takk fyrir liðin ár, hafið það sem best yfir hátíðirnar og á komandi árum!

Thank you all for lovely memories and all the best in coming years.

Iðunn & Valli

Viktor, útskrift

Við kíktum með Viktori til Southampton til að vera viðstödd útskriftarhátíðina í tilefni af doktorsgráðunni, þó hún hafi nú tæknilega verið afgreidd fyrr – þeas. ég, Iðunn, Bergþóra og Alexandra.

Til Bournemouth

Fórum snemma í flug til London, laugardaginn 16. júlí – en Viktor og Bergþóra fóru degi fyrr – þeas. ég, Iðunn og Alexandra. Stutt kaffi á Heathrow og svo lest til Bournemouth. Kíktum á Aruba í bjór, en gekk lítið að finna veitingahús og við enduðum á Friday’s, sem var ekki gott val. En staðurinn virkar vel, samt lítið netsamband og mikið af Englendingum að skemmta sér – fram eftir nóttu.

Bournemouth, strönd á sunnudegi

Vorum eitthvað að vandræðast með að fara á ströndina.

Fengum okkur hádegis mat á Crab, fínn matur.

En okkur fannst full langt að fara í Sandbanks, sem stúlka sem við hittum á Aruba í gær hafði mælt með, þannig að við fórum seinni partinn á ströndina, allt fullt, engir bekkir – fólk almennt með eigin „græjur“. Náðum einum stól og Iðunn stal einum bekk og Alexandra notaði eitthvert teppi / handklæði, vorum smá stund seinni partinn.

Fórum svo á Crab um kvöldið, Alexandra var ekki hrifin en okkar matur var fínn.

Bergþóra & Viktor mæta

Við þvældumst um bæinn, morgunmatur uppi í bæ, smá rölt, og eitthvert hangs með tilheyrandi barrápi.

Bergþóra & Viktor mættu seinni partinn og við fórum á Mulligan, sérstakan íþrótta- veitingastað með enn sérstakari golfvelli.

Gripum pizzur og eitthvað létt með leik Íslands og Frakklands á EM, skemmtilegur leikur en úrslitin í öðrum eyðilögðu nú stemminguna.

Einn drykkur á 1812 barnum, hringdum í Kidda að óska honum til hamingju með daginn, en staðurinn lokaði snemma og við fórum snemma í háttinn.

Stonehenge

Fórum til Stonehenge, öll saman í bílnum sem Bergþóra & Viktor voru með.

Svakalegur hiti, 36 gráður, en þetta hafðist – og hefði ekki viljað sleppa þessu.

Fengum okkur pizzur á sérstökum og skemmtileg pizzastað, Nole í Salisbury á heimleiðinni.

Svo út að borða á Etna, ítölskum stað svolítið frá hótelinu.. frábær matur og mjög skemmtilegur og líflegur þjónn.

Til Southampton

Tókum rútu með Alexöndru til Southampton, gekk vel og Moxy hótelið fínt og þokkalega vel staðsett.

Röltum aðeins upp í gamla bæinn, kíktum á Duke Of Wellington barinn og hittum svo Bergþóru & Viktor og Dan og Jess(?) á Belgium and Blues barnum. Eitthvað lúinn staður, maturinn hálf dapur, amk. snitselið sem við fengum, eitthvað takmarkað úrval af bjór – en svo sem allt í lagi. En entumst ekki mjög lengi.

Útskriftin

Útskriftin var haldin á St. Mary’s, leikvelli Southampton og við höfðum bara miða fyrir tvo gesti, en Viktor fann einn fyrir mömmu þannig að Alexandra var ein um að missa af. Þetta dróst nú talsvert, það var byrjað að hleypa inn klukkutíma of seint og athöfnin var nokkuð löng.

Viktor kallaði á okkur þegar hann var búinn, vildi fá okkur út í bjór og skyndibita, hvað við gerðum við litla hrifningu annarra gesta sem kölluð okkur bölvaða dóna. Enda hafði Iðunn látið aðra heyra það sem fóru snemma, reyndar á íslensku.

Eftir bjór og einhvers konar pylsu fórum við upp á ‘Campus’ í mjög langri rútuferð, byrjuðum á bjór á Stags – þar sem við hittum ma. Will Jennings sem er einhvers konar stjóri yfir námi og verkefnum og greinarskilum hjá Viktori.

Eftir nokkra bjóra tók við smá rölt um svæðið og svo fórum við í áttina að nærliggjandi veitingahúsagötu. Við fundum reyndar þokkalegan stað rétt áður en við komum að þeirri götu, Ceno, og fengum fínan mat.

Þaðan svo yfir á Dolphin barinn þar sem hugmyndin hafði verið að hittast, en eitthvað var hópurinn farinn að þynnast.. 1-2 bjórar (kannski 3) og svo farið á bar, Bookshop Alehouse, en þangað var Dan var kominn, og að lokum yfir á The Cricketers.

Við vorum komin upp á hótel um eitt leytið, ansi soðin og lúin af labbi og hita. En mjög vel heppnað og gaman að hitta félaga Viktors.

Til London

Tókum lestina til London og komum okkur fyrir á Mimi’s, fínt hótel í miðborginni, með skemmtilegum bar en svakalegur litlu herbergi.

Eftir smá bæjarráp, ma. á The Yard, vangaveltur um að fara á söngleikinn Hamilton og tilfæringar á borðapöntunum fórum við að borða á BarShu, kínverskum Michelin veitingastað rétt hjá okkur, sem var svo sem fínn.

En entumst ekki lengi, frekar en fyrri daginn, einn drykkur á hótelbarnum og svo var þetta gott.

Camden Town á laugardegi

Laugardagur í London og kíktum upp í Camden eftir hádegi, smá rölt, kaffi, bjór og svo ítalskur staður Il Sugo áður en við skröltum aftur niður í bæ.

Matur á Ginza, Teppanyaki stað, fínn matur, en nokkuð dýr og minni „leiksýning“ en venjulega. Svo á sýningu Ara Eldjárns í Soho Theatre.. virkilega skemmtileg sýning, eins og við áttum nú von á – hittum hann stuttlega eftir sýninguna.

En bjór á barnum á Soho Theatre og annar á hótelinu og svo var þetta orðið gott.

Heim

Reyndum aðeins að nýta heilan dag í London, ráfuðum í talsverðum hita í Covent Garden, matur á Spaghetti House, sem vildu ekki leyfa okkur að vera í loftkældum kjallaranum. Svo upp á flugvöll, gekk mjög hratt að komast í gegn, smá snarl á sjávarréttabarnum – og svo fínasta flug heim.

London, Búdapest

„Vorferðin“ var til London og Búdapest. Til London með hluta af Postulahóp – þeim Alla, Halli, Lalla og Matta – og svo Bergþóru & Viktori. Til Búdapest með Alla, þar sem við hittum Iðunni.

Til London

Lalli kom í Kaldaselið um fimm leytið, Bergþóra & Viktor fórum með bílinn hennar til Toyota og við sóttum þau á leiðinni til Keflavíkur.

Ég kíkti í Saga Lounge en stoppaði stutt og greip svo tvo bjóra með þeim fyrir flug.

Við Lalli flugum til Heathrow en Bergþóra & Viktor til Gatwick.

Flugið gekk svo sem vel, jafnvel eftir smá hringsól fyrir lendingu og bið á flugbrautinni lenti vélin um 12:00 – en það var ævintýraleg löng biðröð í vegabréfaskoðun og við vorum ekki komnir upp á hótel fyrr en um hálf þrjú.

Við gripum einn bjór á bar tengdum hótelinu, VQ, svo í næsta bjór á Flying Horse, við hornið á Oxford Street og Tottenham Court Road.

En það var matur snemma, ég, Alli, Hallur, Lalli og Matti mættum hálf sex á The Ninth við Charlotte Street. Maturinn frábær, nema kannski makríllinn og svo valdi Hallur fínasta vín.

Þá til Kentish á hljómleika Paul Weller í O2 Forum með Alla og Lalla. Við hittum Bergþóru & Viktor þar, en þau höfðu fengið fínasta mat á Delicious by Franco. Eftir smá bras með miðana komumst við inn og náðum nokkrum lögum með hljómsveitinni sem var á undan, en ég get ekki munað hvað heitir.

Hljómleikarnir ollu mér (og Viktori) talsverðum vonbrigðum framan af. Rokk hljómsveit með tvo trommara er nú hálf hallærislegt. Og þetta var svona hálfgert „iðnaðarrokk“, lítið spennandi lög, Paul Weller virkaði jafnvel hálf áhugalaus, svona framan af.

En síðasti hálftíminn var fínn, Start!, Have You Ever Had It Blue, Shout To The Top, That’s Entertainment og Town Called Malice björguðu miklu.

Nokkrar upptökur hér.

Við Alli fórum svo að hitta Hall og Matta á írskum bar, Maxim, virtist vera fín stemming en lokaði fljótlega.

Við ákváðum að prófa Grosvenor Casino-ið sem var tengt hótelinu, St. Giles, en það var nú með því aumara sem við höfum séð. Enginn póker, prófaði nokkur Blackjack og rúllettu en eiginlega engan áhuga og tapaði fljótt því litla sem ég var til í að leggja undir.

Laugardagur í London

Vaknaði þokkalega snemma, fór í einfaldan morgunmat á uppáhaldskaffistaðinn í Soho, Bar Italia, við Frith Street.

Svo til Charlton með hópnum í Uber, fundum bar með fullt af bjór, Arsenal – Manchester United í sjónvarpinu, grilli í garðinum.. en Viktor fór á Emirates að horfa á leikinn.

Ég fór með Alla, Hall, Lalla, Matta á Charlton – Shrewsbury. Þar var fínasta stemming þó leikurinn væri C deildar leikur og ekkert undir hjá liðunum. Markvörður Shrewsbury fékk eitthvað drasl í sig frá áhorfendum og leikurinn var stopp nokkuð lengi. Charlton skoraði seinna markið í kjölfarið á meðan ég var að leita að Uber til að komast til baka.

Það var talsverður viðbúnaður hjá lögreglunni eftir leikinn, en svo sem engin læti í neinum.

Við fórum yfir í miðborgina, fórum full snemma úr Uber og duttum inn á stóran og stórskemmtilegan bar, Porterhouse, einn bjór þar, svo aðeins að taka rólega fyrir kvöldið, kíkti í Whisky / vindlabúðina áður en ég komst upp á hótel – en var orðinn of seinn í „lagningu“.

En svo á Benihana, mjög skemmtilegur kokkur og frábær matur, Lalli eitthvað lystarlaus, enda lyktin ekki skemmtileg.

Fundum svo kokteilbar í Soho, Chotto Matte, ég fékk einhvern undarlegan þýskt gin kokteil, en létum það nægja.

Svo upp á hótel og beint á barinn, Lalli sagði þetta gott, Matti tók pásu og kom niður en fór svo að sofa.

Ég fór með Alla og Halli á Grosvenor Casino, lagði 100 pund undir og kom út með 316 pund. Hallur setti 20 pund á einhverja rúllettuvél og kom út með 40 pund. Alla gekk ekki eins vel, en ég náði að sannfæra hann um að hætta áður en hann tapaði öllu á að fara ‘all-in’ á eitthvað!

Vorum komnir heim um fjögur.

Sunnudagur í London, kvöld í Búdapest

Þáðum seint-tékk-út og svo fór ég með Hall í morgunmat á Lavelle eftir að litli ítalski staðurinn sem átti að vera rólegur og alls ekki þétt setinn, reyndist vera hátt í hundrað manna þéttsetinn staður og vonlaust að fá borð. Bergþóra & Viktor kíktu til okkar, en Hallur dreif sig að hitta hina á Flying Horse.

Við kláruðum einn bjór á Flying Horse, svo hófst smá leit að bjórgarði sem gekk hægt, ýmist lokaðir eða fullsetnir. Komum okkur fyrir á Brasserie Max, einn bjór og ristað brauð með ansjósum.

Ég fór að leita að Lowlander barnum með belgísku bjórunum, fann hann og fékk mér Westmalle, en hinir fóru á hótelbarinn að horfa á Liverpool – Everton.

Það kom reyndar í ljós að hótelbarinn var ekki opinn og þeir höfðu farið á Rising Sun ofar á Tottenham Court Road.

Bergþóra & Viktor komu svo til okkar og við tókum tvo Uber upp á Heathrow þar sem leiðir skildu, við Alli fórum til Budapest, en hin fóru heim.

Innritunin gekk svo sem þokkalega hratt en svo lenti ég í handahófs úrtaki í vopnaleitinni og einhver gaur á undan mér með endalausa hluti sem mátti ekki taka með í farangur.

Þokkalegt flug og bíll í boði tannlæknastofunnar upp á hótel, kannski um hálf tvö.

Vélinni sem Iðunn kom með seinkaði nokkuð, en ég hélt mér vakandi til rúmlega fjögur þegar hún mætti. Einn bjór og bók á kindlinum.

Fyrsti dagur í Búdapest, skoðanir

Við mættum í skoðanir og höfðum svo daginn fyrir okkur.

Alli mælti með veitingastaðnum Spago, fengum heldur betur frábæran mat, að einhverju leyti tengdur einhverju hóteli.

Hreinsun og bað

Byrjaði í smá tannholdshreinsun, eina aðgerðin mín – fyrir hádegi.
Fórum svo í stóra baðhúsið í Búdapest, mjög skemmtilegt, fullt af möguleikum, fórum í gufu og bjórbað.

Ákváðum að sleppa því að fara upp á hótel og skoðuðum bjór bar og kokteil bar.

Svo á Comme Chez Soi, frábær matur á skemmtilegum litlum stað, þar sem kokkar og þjónar voru næstum jafn margir og gestirnir.
Það var borið í okkur nóg af Grappa, Limoncello og Tokai eftir matinn.

Við fórum á einn bar í viðbót, ansi drukkin, þar sem Iðunn og Alli ræddu mömmu hans í þaula.

Iðunn í aðgerð, flakk og verslunarmiðstöð

Iðunn áfram í aðgerð, ég fór á smá bæjarrölt, aðallega til að finna bakpokann hennar Iðunnar sem við höfðum gleymt kvöldið áður.

Það tók reyndar nokkurn tíma og kallaði á mikinn bjór og eitt gott (en ruglingslegt nudd) en hafðist á endanum, þeas. að finna bakpokann.

Svo í Arena – verslunarmiðstöðina, fann ekki mikið en eitthvað og labbaði svo heim á hótel í rigningunni.

Við borðuðum á hótelinu, horfðum á Liverpool – Villareal á hótelinu með Alla og Eyþóri, bridge-spilara.

Rólegur dagur í Búdapest

Iðunn mætti í fyrstu aðgerðina, ég reyndi aðeins að vinna, lagði af stað niður í bæ, fékk símtal frá ISAL og aftur til baka.

Það var kominn tími á heimferð hjá Alli, kvaddi hann amk. tvisvar áður en ég fór aftur niður í bæ og greip franska ristingu, fór á smá búðarráð, freyðivín á einu torginu, kokteill á Sky-Bar og svo upp á hótel.

Við fundum frábæran ítalskan stað um kvöldið á Ritz-Carlton, Ottimo, frábær matur, reykt sverðfisk carpaccio, Iðunn venjulegan, svo pasta.. en snemma að sofa.

Heim frá Búdapest, gegnum London

Morgunmatur og svo upp á flugvöll í óratíma bið eftir innritun, öryggisleitin tók hins vegar enga stund og svo tók við bið eftir vélinni sem seinkaði um þrjú korter.

Fékk nokkra tíma í London og vegabréfaskoðun gekk hratt þannig að ég skrölti niður í bæ, bjór á The Clachan, reykt gæsabringa á Dehesa, dumplings á kínverskum stað í Chinatown, Lotus Garden, og svo upp á flugvöll.

Þar voru allir veitingastaðir lokaðir, fann skyndibita stað og hamborgara, svo annan sem var opinn, líka hamborgari og svo heim.

Tenerife 2022

Af stað

Loksins komið að Tenerife, mættum þokkalega snemma út á flugvöll, Jónatan hafði ekki sofnað fyrir spenningi, svaf ekkert á leiðinni út á flugvöll og lítið í vélinni. Hittum Friðjón & Sæunni á flugvellinum.

Fórum út að borða um kvöldið, Ilze og Geir komu með – Guðjón valdi Moon, fyrsta hugmynd þóknaðist ekki vegna beiðni um Covid.. en frekar vondur staður, flest okkar með óspennandi mat, Alexandar með óætan humar, Viktor með fínan fisk – annað svona og svona.

Fegrunaraðgerðir

Iðunn fór með Ilze og Elinu í naglasnyrtingu, mér var boðið í freyðivín og fleira þegar leið á daginn, mörg ágætis rauðvín.

Þetta var þrettándinn, þarna er líka haldið upp á hann með aukajólagjöfum… við Iðunn keyptum gjafir fyrir alla.

Ekkert nudd

Annar rólegur dagur, ætluðum í nudd, en bókuninn skilaði sér ekki, þau bókuðu bara einn þrátt fyrir skýra beiðni um fleiri. Við Iðunn fórum snemma af stað með Alexöndru og röltum heim á hótel.

Við Iðunn fórum svo á ítalskan Monte Christo um kvöldið. Virkilega fínn ítalskur matur.

Rólegt

Matur á hótelinu í rólegheitunum, sennilega dagurinn í smá rölt og sólarlegur.

Sunnudagur

Að mestu letilíf, horfðum á Arsenal tapa fyrir Nottingham Forest, hittum svo Ilze, Geir, Elinu, Alexöndru og Jónatan og fórum á einhvern stað í rokinu, Spanglish muni ég rétt.. ekki góður.

Læknir og nudd

Jónatan fékk lækni til að skoða smá ígerð og þurfti pensilín.

Við Iðunn fórum í allt í lagi nudd, annars var dagurinn frekar rólegur. Fórum með Alexöndru og Viktori á Veneto og fengum nokkuð góðan mat.

Líbanskur staður

Aftur man ég ekki betur en að við höfum tekið því rólega en svo fórum við Iðunn á líbanska staðinn Habibi um kvöldið og fengum frábæran mat.

Bergþóra mætt

Bergþóra kom seinni partinn, gaman að fá hana með. Vorum með Jónatan seinni partinn og við Iðunn borðuðum með honum kvöldmat á hótelinu. Calima kominn, frekar óþægilegt.

Meiri Calima

Fórum á ströndina, Jónatan alveg á fullu og ansi skemmtilegt, en kannski ekki nægilega hlýtt og aðstaðan ekkert sérstök.

Borðuðum á stóra langa staðnum, eða réttara sagt, margir samstæðir staðir, um kvöldið, maturinn fínn og kom okkur skemmtilega á óvart. Calima orðinn frekar slæmur. Horfðum á fyrri leik Liverpool og Arsenal í undanúrslitum deildarbikarsins, fyrst á staðnum, svo á bar með Jonna og Elinu.

Sigling

Fórum í tveggja tíma siglingu, engin björgunarvesti, hálf fúll skipstjóri, svona þar til hann fór að biðja um þjórfé.

Jónatan stóð sig vel, hafði gaman af að skoða, dottaði aðeins – og vildi svo fara í feluleik, þó við sætum öll saman í þéttri kös.

Roberts var kominn og dró okkur á ömurlegan stað í hádeginu.. við Iðunn fórum á indverska staðinn, Delhi Darbar, frábær matur en við pöntuðum allt of mikið.

Við tókum leigubíl þó það væri stutt að fara, Calima heldur betur kominn.. Roberts lét öllum illum látum á veitingastaðnum sem þau fóru á, Guðjón rétt náði að róa hann og semja við staðinn.

Verslunardagur

Enn Calima, fórum í Siam Mall en fundum svo sem ekki mikið, Alexandra, Bergþóra og Viktor komu líka og við tókum svo bíl á írska barinn Anchor, horfðum á smá fótbolta þar, smá ráp í búðirnar í verslunarmiðstöðinni þar og svo pizza á pizzustað, San Marcos, frábær pizza sem jafnvel Iðunn kunni að meta.

Við borðuðum svo á hótelinu um kvöldið, skelfilegur matur og kíktum svo til barnanna að spila um kvöldið.

Og meiri sandstormur

Enn sandstormur, vorum aðeins með Jónatan, sem entist endalaust í feluleik þar sem ég lá uppi á rúmi á meðan Iðunn og hann földu sig undir rúmi. Jú, stöku sinnum fékk bangsi að fela sig í ísskápnum.

Fórum með Alexöndru á Amalfi um kvöldið, fínn matur en þjórfés betlið fór í taugarnar á okkur, þjónninn mjög sár.

En svo keila um kvöldið þar sem ég vann fyrra mótið og Bergþóra það seinna.

„Amma“ Sylvía og Friðjón & Sæunn

Tengdamamma, „amma Sylvía“ hefði orðið áttræð.

Friðjón og Sæunn komu til okkar, fórum út að borða á fimm stjörnu staðinn Cheers Salud Na Zdorovie, með Alexöndru og Bergþóru, stóð nú ekki alveg undir væntingum en samt fínn. Við Iðunn gripum svo kaffi með þeim, aðeins að ræða fjölskylduuppgjör.

Um kvöldið fórum við út að borða á, þeas. við Iðunn, Alexandra, Guðjón, Viktor og Bergþóra. Allt í lagi matur og kvöldið gekk vel þrátt og skálað fyrir öllu og öllum.

Elina, afmæli

Fórum og fundum afmælisgjöf fyrir Elinu í verslunarmiðstöðinni Oasis. Alexandra var með okkur og við skoðuðum aðeins í kringum okkur.

Svo var matur í íbúðinni sem Ilze og Geir voru með, Roberts eldaði svínakjöt, mjög vel heppnað, þó það væri ansi þröngt, en mjög fínt.
Fórum svo til Alexöndru, Bergþóru og Viktori og spiluðum eitthvað fram eftir.

Heimferð

Pakka, leigubíll út á flugvöll, biðröð, matur, flug og komin heim um kvöldið.

Myndir annars á Flickr

Fræbbblahljómleikar í Litháen

Það vildi einhvern veginn svo til að okkur Fræbbblum var boðið að spila á tónlistarhátíðinni FIDI 53 í háskólanum í Vilnius. „53“ vegna þess að þetta var fimmtugasta og þriðja árið í röð sem hátíðin er haldin.

Eitthvað tengdist þetta því að Rikka var að kenna við tónlistarskóla í borginni sem gestakennari. Ef ég skil rétt þá er mikið um tónlistarviðburði á þessum tíma á hverju ári í borginni, ekki beinlínis hátíð, heldur meira laustengda viðburði.

Til Vilnius

Gummi sótti okkur um fjögur leytið og mættum til Keflavíkur fyrir fimm, forgangur í innritun og þetta gekk hratt og vel fyrir sig.
Við máttum bjóða Gumma í Saga Lounge þannig að það fór vel um okkur á meðan við biðum.
Helgi og Þóra höfðu innritað sig og töskurnar um kvöldið og við hittum þau fyrir flug.
Fínt flug til Stokkhólms. Við borðuðum á frekar fínum og nokkuð dýrum stað, Pontus In The Air, á flugvellinum, en maturinn var kannski ekki alveg í sama klassa.
Við vorum mætt hálf sjö, enginn á flugvellinum hafði nokkurn minnsta áhuga á bólusetningar eða skimunarskjölunum okkar.
En leigubíll niður í bæ tók stuttan tíma, við vorum á þessu fína hóteli, Novotel, Gummi rétt hjá okkur en Helgi & Þóra nokkurn spotta frá okkur. Viktor var mættur og kominn inn á Old Town River hótelið.
Smá rölt og svo að borða á litháenskum stað, Viktor hitti okkur, en Alexandra og Bergþóra voru rétt að lenda og náðu okkur ekki. Við fórum svo til-þess-að-gera snemma að sofa, en Helgi, Þóra og Viktor hittu Alexöndru í síðkvöldverð.
En borgin virkaði mjög vel á okkur, kom eiginlega skemmtilega á óvart.

Föstudagur í Vilnius

• 

Morgunmatur á hótelinu, sáum fullt af fólki vera að skunda niður á eitthvert torg að mótmæla, reyndist vera einhver fjölskyldu hópur að mótmæla Covid reglum.
Við röltum af stað með Gumma, hittum svo Rikka, Helga og Þóru og röltum upp í bæ.
Það fréttist af hljóðfæraverslun og eftir nokkurt ráp fram og til baka fannst hún, en við vorum eiginlega með tóman innkaupalista. Það fór þó svo að Iðunn keypti tamborínu, svart ukulele og stillitæki fyrir það, ég keypti snúru og helgi ól fyrir bassann.
Þá hádegismatur, l.. þar sem við hittum „krakkana“, Alexöndru, Bergþóru og Viktor. Fengum mjög skemmtilega litháenska rétti, einhvers konar brauð með osti og hvers kyns gumsi í miðjunni.
Við röltum með Gumma í áttina að hótelinu á meðan krakkarnir fóru að versla og Helgi & Þóra á eitthvert flakk.
Við settumst á bar við Íslandsstræti og hringdum í þjónustuver SAS til að reyna að fá flug fyrir Gumma á sama tíma og við Iðunn áttum flug. 50 mínútna bið og þegarvið komumst að voru svörin þau að fyrst hann hefði bókað hjá einhverri þjónustusíðu, Kiwi, þá kæmi þeim þetta ekki við.
Eftir þetta var einhver stemming fyrir nuddi, gekk illa að finna tíma, ég bókaði á einhverjum stað, fyrst var tímanum seinkað og svo þegar ég kom var ansi lítið í boði fyrir stutt nudd og erfitt að átta sig á hvað var í boði og flest virtist kosta talsvert.
Ég rölti til Iðunnar, Helga & Þóru, hittumst í garði rétt hjá hótelinu þeirra. Assi var svo mættur í bæinn og á hótel rétt hjá og hitti okkur þar. Við fórum á vindla og Whisky barinn en hann var nú ekki allra og ég entist eiginlega einn að reyna að klára vindilinn, sem tókst ekki.
Við hittumst svo á Lykos og fengum mjög fínan mat, samt ekkert til að panta aftur, en fín stemming.
Á heimleiðinni duttum við inn á mjög flottan bar, enda tengdur við fimm stjörnu hótel, en ákváðum að vera ekki mjög lengi, ég var aðeins orðinn lúinn og Iðunn hafði fengið sér full margar freyðivín fyrir matinn.

• 

Hljómleikadagur

Morgunmatur á hótelinu, svo leigubílar upp í háskóala.
„Sándtékk“ gekk mjög vel – alvöru hljóðkerfi og greinilega vanir menn í hverri stöðu.
Við röltum svo aðeins um bæinn, við Iðunn kíktum á Brussels Mussels veitingastaðinn og reyndum svo að finna bar sem sýndi Arsenal-Norwich. Það gekk ekki, svo við fórum upp á hótel og horfðum á leikinn í símanum.
Smá pása uppi á hótel herbergi svo upp á hljómleikastað.
Þar var nokkur bið, búið að seinka dagskránni og við áttum ekki að byrja fyrr en 1:00.
Það var svo sem gaman að sjá þessar hljómsveitir, mis mikið skemmtilegar, en alls kyns tónlistarstefnu og eiginlega allar nokkuð góðar á sínu sviði.
Við vissum ekkert hverju við áttum von á, en eftir nokkur lög var komin fínasta stemming og við héldum henni út kvöldið.

• 

Það kom svo í ljós að það var önnur hljómsveit á eftir okkur, rym-rokk, og við vorum ekki lögð af stað heim fyrr en undir þrjú.
Við Gummi, Rikki og Iðunn ætluðum að taka seinni bílinn, hin fengu bíl strax, en við þurftum að bíða í þrjú korter áður en við fengum bíl. Engin næturmatarþjónusta á hótelinu, ég var eitthvað að hugsa um að fara út að leita, sleppti sem betur fer, því við fréttum að McDonalds hafi verið eini opni staðurinn á þessum tíma og biðröðin verulega löng.

Sunnudagur

Við leyfðum okkur að vakna seint, en svo var stefnt á sameiginlegan morgunmat á La Montmartre og það mættu allir, þó ekki á sama tíma. En fínn, alvöru morgunmatur, ég fékk hleypt egg með tilheyrandi..
En fyrir utan Rikka, sem var að vinna í Vilnius sem gestakennari, og okkur Iðunni og Gumma þá voru allir að fara í flug heim.

• 

Iðunn lagði sig og við Gummi ákváðum að hringja í Kiwi og reyna að fá fluginu hans breytt. Þar kom í ljós að hann hafði pantað þetta svona og ákvað að kaupa ódýrt flug með Play á mánudagskvöld, frekar en að bíða í Kaupmannahöfn fram á sunnudagsmorgun. Svo dúkkaði nudd hugmyndin upp og við Gummi fundum þetta fínasta nudd.
Matur um kvöldið með Rikka og Gumma á Da Antonio, fínn staður, frekar taktlaus tónlist og þjónusta, en allt í lagi matur, eins og oft áður, forréttirnir mun meira spennandi en aðalréttirnir.
Við Iðunn gripum svo tvo drykkir með Rikka fyrir svefninn, vorum farin að sofa um miðnættið.

Heim

Við sváfum þokkalega út, fengum fínan morgunmatur með Gumma – aftur hleypt egg og tilheyrandi hjá mér.
Við fórum svo upp á flugvöll fljótlega upp úr hádegi. Enn eitt Covid prófið fyrir utan flugvöllinn.
Gummi lenti í talsverðum vandræðum með flugmiðann, þau voru ekkert á þeim buxunum að hleypa honum í vélina til Kaupmannahafnar – sögðu að fluginu hans hefði verið breytt og hann hefði átt að mæta um morguninn. Gummi hafði ekkert heyrt og tölvupóstfangið sem hafði verið notað til að senda honum tilkynningu var eitthvert tómt rugl.
Einhverra hluta vegna höfðu þau miklar áhyggjur af því hvernig Gummi ætti að komast frá Kaupmannahöfn til Reykjavíkur, eins og þeim mætti ekki vera slétt sama. Þau fundu ekki flugið, að okkur skildist vegna þess að Play er nýtt lággjaldaflugfélag. Að lokum féllust þau á að hleypa honum í vélina til Kaupmannahafnar en það kom ekki til greina að hann fengi að fara í sama flug og við, enda kannski skiljanlegt, það var flug sem SAS keypti að hluta hjá IcelandAir.
En fínt flug til Kaupmannahafnar, ég var eitthvað spenntur fyrir að fara niður í bæ, enda sex og hálfur tími til stefnu. En það var styttri bið hjá Gumma og hann var orðinn frekar svekktur á þessum tilfæringum, þannig að við komum okkur fyrir í Priority Pass Lounge, ég mátti bjóða þeim báðum, Gummi fór svo að fá brottfararspjald, fyrst sagði þjónustufulltrúinn á Transfer borðinu að það væri nú ekkert mál, en þegar hún komst að því að þetta var Play þá þurfti hann að fara út, fá brottfararspjald og aftur í gegnum öryggisleit. En það gekk hratt, við fengum okkur mat á einhverjum veitingastaðnum, Le Sommelier…ekkert sérstakur – ég pantaði hamborgara með Fois gras, ekki góð blanda.
En Gummi náði sínu flugi, ég fékk bjór á Mikkeller og við fórum í okkar flug nokkru seinna.
Gummi beið eftir okkur á flugvellinum, þurftum að bíða eftir töskunum og Iðunni tókst að villast eftir skimun og gekk illa að finna hana.
En, eins og svo oft áður þá hafðist þetta allt á endanum…

Króatíuferð

Það var ákveðið að fagna sextugsaldri nokkurra meðlima GoutonsVoir matarklúbbsins með útlandaferð.

Fyrir valinu varð stórt hús, villa, í bænum Bol á eyjunni Brac í Króatíu.

Þetta var ákveðið 2019, ferðin átti að vera 2020, var lengi tvísýnt um að ná 2021 en það hafðist.

Til Dubrovnik

Steini og Auður sóttu okkur í Kaldaselið um fjögur og við vorum mætt á góðum tíma. Þau voru búin að innrita sig rafrænt og við nýttum okkur að mega fara í hrað innritun og vorum kominn í gegnum innritun og öryggisleit á hálftíma.
Við máttum bjóða með okkur gestum í Saga lounge þannig að Auður og Steini fóru með okkur.
Flugið til Frankfurt var fínt og við fengum aðgang að ‘lounge’ gegnum Priority Pass, ég bauð Iðunni og Auður bauð Steina.
Veitingarnar voru svo sem ekki merkilegar, eiginlega alls ekki, ein upphituð pylsa með engu var eiginlega eini heiti maturinn.
Þegar nálgaðist flug fórum við að leita að hliðinu okkar… við komumst að því að það var nú frekar langt frá okkur og að við höfðum verið í einhvers konar útkjálka ‘lounge’. Við þurftum ekki bara að fara í aðra byggingu heldur var hún einni innanflugvallarlestarferð frá okkar og þegar þar að kom þurftum við að fara aftur í gegnum öryggishlið. Það gekk svo sem hratt en enginn skipti sér af okkur og við hefðum getað farinn inn í borgina.
Flugið þangað stutt og fínt, konan í vegabréfaskoðuninni í Dubrovnik hafði mikinn áhuga á okkur og hvaðan við værum að koma.. en þetta gekk fínt og við fengum strax leigubíl.
Hálftíma ferð í húsið og þar sem Krissi & Rúna voru enn í skoðunarferðinni frá Sarajevo settust Auður & Steini hjá okkur eftir að við vorum búin að finna okkar herbergi.
Fínustu móttökur hjá fólkinu sem rekur staðinn og svo kom í ljós að Auður & Steini og Krissi & Rúna voru í stórri íbúð fyrir ofan okkur.. sem hafði nú ekki verið ljóst þegar við vorum að panta.
Gestgjafarnir okkar mæltu með veitingastaðnum Gusta Me, sem var ekki langt frá þar sem Assi & Stína voru.. fínasti matur en svo sem ekkert sérstakur, ég fékk svart risottó og einhvern rétt sem var frá „héraðinu“, fínn en ekkert spennandi.
Vorum svo sem ekki lengi fram eftir, en við Iðunn gripum bjór í garðinum fyrir svefninn.

Matur uppi á fjalli

Krissi & Rúna buðu upp á þennan fína hádegismat, lamba, nauta og geitakjöt… eitthvað af ostum og ávöxtum. Smá rauðvín og bjór.
En seinni partinn fórum við í kláf upp á fjall á veitingastaðinn Panorama Restaurant and Bar, frábært útsýni, spennandi kokteilar og mjög góður matur.
Ekki algengt að veitingastaður sem eru svona vel staðsettir nenni að standa í að bjóða góðan mat – en þessi var virkilega góður.

• 

Rólegur föstudagur

Við tókum föstudaginn rólega, fórum í göngu upp á virkisvegginn, Assi og Stína tóku pásu en við hin hittum á rigningu og þrumur og eldingar… settumst inn á eina barinn á leiðinn og hengum þar í þungu lofti eins lengi og við héldum út.
Svo niður í bæ í pizzu í grenjandi rigningu, Assi & Stína hittu okkur þar og við röltum um bæinn og höfnina áður en við drifum okkur „heim“ í smá pásu.
Við fórum með Auði & Steina á einfaldan veitingastað niðri í bæ um kvöldið, fínn matur – Assi & Stína kíktu líka – og reyndum svo að hitta á Önnu Birgittu og Adda sem voru að leggja af stað í siglingu. Það tókst, Kalli Örvars með þeim og hittum þau í nokkra stund fyrir utan veitingastaðinn þeirra. En til þess að gera snemma að sofa, enda ferja snemma næsta morgun.

• 

Siglt til Brac

Við vöknuðum fyrir 6:00 til að taka leigubíl niður á höfn, sum vöknuðu reyndar talsvert fyrr, svakalegar þrumur um nóttina.
En fjögurra tíma sigling til Brac, stoppað á tveimur eyjum, Hvar og annarri sem ég man ekki hvað heitir.
Húsið var ekki langt frá og leit mjög vel út, nóg af herbergjum, sundlaug, gufa, heitur pottur, fínt eldhús og svalir á efstu hæð. Herbergin mis stór og engir stólar.
Húsið var ekki alveg tilbúið þannig að við röltum á veitingastað rétt hjá, ágætur hádegismatur, en þjónninn dæmdi staðinn úr leik fyrir frekari viðskipti með því að koma ekki með afganginn – sem við hefðum nú líklega gefið honum, en það var ekki hans að ákveða.
Létum snarl nægja um kvöldið, við Iðunn kíktum á Liverpool – Chelsea á nálægum bar.. en vorum svo sem ekki lengi, enda langur dagur.
Auður setti upp innkaupasjóð sem reyndist vel, allir settu jafnt í sjóðinn og svo voru sameiginlega innkaup úr buddunni.

Strönd á sunnudegi

Kíktum á ströndina, ég var aðeins seinn fyrir og fann þau ekki strax. En fór vel um okkur á bekk og með sólhlíf.
Keyptum einhvern sjávarrétta skyndibita, sem var merkilega fínn.. og bjórinn alveg boðlegur.
Við létum skelfilega tónlistina trufla okkur, henni var dúndrað yfir alla ströndina frá nærliggjandi bar, og þurfti ekki minna en tvo plötusnúða.
Um kvöldið buðum við Iðunn upp á gin frá staðnum með kolamolum í fordrykk. Við höfðum hitt á vínbúð sem var með talsvert af vínum úr nálægum héruðum og einhverja sterka drykki. Enga vindla þrátt fyrir stærðar vindlaskáp.
Assi og Stína elduðu kjúkling í kvöldmatinn og einhver spil fram eftir.
Orðan, sem merkilegt nokk, er orðaleikur var fyrst, talsverður gauragangur en skemmtilegt spil.
Duttum svo í að spila Tíu í meiri rólegheitum.

• 

Mánudagur

Mánudagurinn var rólegur, Auður & Steini sáu um stóran hádegismat, Krissi & Rúna buðu upp á kokteil og síðan var grískt salat í kvöldmat. Muni ég rétt eldaði Steini smokkfisk með salatinu.
Aftur var tekið til við að spila Tíu fram eftir og gott ef við tókum ekki smá Whisky þegar leið á kvöldið.

Þriðjudagur

Við skiptum eitthvað liði, einhverjir fóru að rölta en við héldum okkur heima við
Auður & Steini buðu upp á nýkreistan appelsínusafa í fordrykk.
Og Krissi & Rúna elduðu hvítlauks skotinn kjúkling.
Í þetta skiptið vorum við eitthvað framlág og flestir fóru að sofa í fyrra fallinu.
Nema við Iðunn, við röltum á einn bar og annan og stóðum okkur nokkuð vel, kláruðum svo síðasta bjórinn við sundlaugina vel eftir miðnætti.

Miðvikudagur

Assi & Stína og Krissi & Rúna leigðu bíl og fóru á flakk um eyjuna.
Ég þurfti að byrja daginn á uppgjöri og reikningavinnslu fyrir RAD.
En við fórum með Auði & Steina á „hina“ ströndina, fengum fínasta hádegismat á fyrsta flokks veitingastað við ströndina.
Um kvöldið fórum við með Auði & Steina í rauðvínssmakk, sem stóð nú varla undir nafni, stúlkan sem afgreiddi hafði ekki grun um hvað hún var að selja og vínið sem við fengum lítt spennandi. Ég ætla amk. ekki að benda Hafliða á stúlkuna fyrir næstu vínkynningu.
Svo á ítalskan stað þar sem við fengum ágætar pizzur en Iðunn minna spennandi Spaghetti Bolognese.
Við gripum svo einn drykk á (nú skilgreindur sem uppáhalds) kokteilbarnum okkar fyrir svefninn.

Fimmtudagur

Það hafði verið á dagskrá að hitta Önnu Birgittu, Adda og jafnvel Kalla – sem höfðu komið í land um morguninn – en þegar til kom hentaði það ekki.. Assi & Stína hittu þau reyndar á förnum vegi.
Assi & Stína buðu svo upp á einhvers konar berja gin kokteil fyrir kvöldmat.
Um kvöldið elduðum við Iðunn svo sjávarréttapasta, með eggaldin og hvítlauksbrauði. Við náðum svo að horfa á landsleik Íslands við Rúmeníu, en svo sem ekki mjög „gefandi“.

Lokadagur á Bol

Fyrsta verkefni dagsins var Covid-19 hraðpróf til að sýna við heimkomuna.
Við Iðunn kíktum við á stað sem Steini hafði komið auga á og fannst hann líta nokkuð vel út og ekki spillti að hann fékk góða dóma, perla ekki í alfaraleið ferðamanna.
Sýnatakan gekk vel og við dóluðum okkur eitthvað fram eftir degi við að éta úr ísskápnum við sundlaugina.
Sama stemming var í síðdegiskokteilnum, gripum það sem þurfti að taka og tæma.
Fyrir kvöldmatinn fengum við bjór og kokteila á Beer & More, sátum í Secret Garden… mjög fínn staður og hefðum kannski mátt kíkja oftar – við Iðunn höfðum reyndar prófað einu sinni.
En við mættum svo í mat á Jadranka við nánari skoðun virtist hann í samkeppni við Rykkrána í Amsterdam, amk. var rykið komið vel til ára sinna. Maturinn var svona og svona, við Auður fengum fínan grillaðan fisk, aðrir mismunandi heppnir. Ætli pöddurnar sem voru að gæða sér á Iðunni hafi ekki fengið bestu máltíð kvöldsins.
Eitthvað rukkaði konan okkur meira en stóðst skoðun eftir á, en það var enginn að skoða vel þegar hún kom og vild 200 kúnur í viðbót.

Til Split

Ferja til Split, í þetta sinni bara klukkutími, rétt rúmur, og ágætis sigling.
Stutt labb á hótelið, en það stóð nú ekki undir væntingum, var eiginlega ekki hótel, heldur einhvers konar gistiheimili í frekar hrörlegri blokk. Luxury Rooms var nú ekki mjög lýsandi og ekki veit ég hvaðan þessar fjórar stjörnur komu.
Herbergin voru á fjórðu hæð, engin lyfta og litla herbergið okkar var td. á þremur hæðum, baðherbergið nokkuð mörg þrep niður í myrkrinu, því það var ekki hægt að kveikja eða slökkva ljós nema niðri!
Hótelstjórinn var reyndar hinn hjálplegasti.
Og við lifðum þetta af.
En við Iðunn fórum á smá rölt, keyptum eitthvað fötum á Jónatan og dóluðum okkur eitthvað um bæinn – held að við höfum jafnvel fengið okkur bjór, jafnvel tvo.
Um kvöldið duttum við inn á mjög skemmtilegan kokteilbar bar, sem hefði verið enn skemmtilegri ef það hefði verið hægt að sitja úti og fórum svo á Silk Street Food, sem Assi & Stína höfðu dottið um fyrr um daginn. Mjög sérstakur, það þurfti fyrst að fara í biðröð og panta, síðan fengum við borð í göngugötunni. Mjög góður matur, en vorum ekki lengi fram eftir. Krissi & Rúna tóku einn drykk með okkur Iðunni og við gripum annan á skemmtilegum írskum bar, en vorum nú komin heim fyrir miðnætti.

Heim

Við vöknuðum fyrir sjö, út í bakarí sem bjargaði okkur, svo leigubíll út á flugvöll og innritunin gekk hratt og vel.
Flugstöðin ekki sú stærsta sem við höfum heimsótt og veitingarnar ekki beisnar, en við náðum bjór og samloku.
Við flugum svo til Kaupmannahafnar, þurftum að standa í smá snúningum til að fá brottfararspjöldin til Reykjavíkur, en það hafðist og við náðum hamborgurum og smurbrauði fyrir flug. Auður & Steini fóru reyndar inn í bæ, vikudvöl hjá Lovísu og fjölskyldu.
Við vorum svo lent um hálf fjögur, tollur, tékk og skimun gekk vel fyrir sig og við skutluðum Assa & Stínu heim undir lýsingu á leik Íslands og Norður Makedóníu… sem gekk nú ekki beint vel. Það var ekki fyrr en við Iðunn komum heim sem þeir hysjuðu upp um sig og náðu að jafna.

Malagaferð

Fórum með Helga og Þóru og Ægi Mána til Malaga.

Aðal verkefni ferðarinnar var að reyna að greiða úr flækjum vegna dánarbús, en gekk nú eiginlega ekki.

En aukaverkefnið var að taka smá frí og njóta þess að vera í Malaga og það verkefni tókst heldur betur vel.

Til Malaga

Við lögðum af stað til Malaga 10. júlí til að hitta Helga & Þóru – í kannski ekki mjög skemmtilegum aðal erindagjörðum – Ægir Máni var líka og við stefndum á að gera okkar besta til að njóta tímans fyrir utan aðal verkefnið.

Við mættum í langa níunda-áratugar biðröð í Keflavík, það tók rúmlega einn og hálfan tíma að klára innritun í ellefu-faldri röð með löngum hala og fluginu seinkaði aðeins, við náðum samt bæði bjór og samloku.

Við höfðum svo aðgang að betri biðstofu á Arlanda, ég stökk reyndar frá til að kaupa snúru til að hlaða Sennheiser heyrnartólin, sem voru með tóma rafhlöðu og öll hleðslutæki í töskunum sem við ‘tékkuðum inn’.

Maturinn á biðstofunni kom skemmtilega á óvart, en við stoppuðum reyndar ekki lengi fyrir flugið til Malaga. Við vorum svo í betri sætum, fengum frábæran mat – ekki bara í samanburði við annan flugfélagamat – rýmri sæti og fría drykkir. Ég hafði reyndar aðallega gert tilboð í betri sæti vegna þess að ég var ekki viss um að það væri hægt að bóka töskurnar alla leið til Malaga, það var ekki mikill tími á milli flugferða og inni í þessu var forgangs innritun. En það hafði komið í ljós að það var ekkert mál að bók farangurinn alla leið.

Flugið til Malaga var fínt, en það tók nokkrar mínútur að finna töskurnar sem höfðu verið settar á sérstakt færiband vegna þess að þær voru innritaðar utan Evrópusambandsins,

En vorum mætt upp á hótel upp úr níu um kvöldið – NH Hotel, mjög fínt og vel staðsett – og eftir stutta innritun hittum við Helga, Þóru og Ægir Mána á La Cueva – og kynntumst uppáhalds-fúla-þjóni þeirra í borginni.

Við fengum okkur síðbúinn kvöldmat á Taberna del Pintxo, (muni ég rétt), tapas brauðréttir, vorum aðeins of stórtæk á köldu réttina og ekki búin að átta okkur á að þjónarnir komu reglulega með nokkuð girnilega heita rétt – en mjög fínt og svo smá rölt um borgina og einhverjir drykkir áður en þetta var orðið gott.

Sunnudagur

Við Iðunn röltum af stað eftir góðan morgunmat á hótelinu, ætluðum að kaupa vatn og smá hótelherbergisbirgðir, en flestar búðir lokaðar, amk. framan af.

En það var engin ástæða til að láta sér leiðast – keyptum kveikjara (ég hafði gleymt mínum heima þrátt fyrir vel skipulagðan tékklista) og appelsínugular andlitsgrímur – enda gengur appelsínugult með öllu, eins og Iðunn segir. Ægi Mána fannst það nokkuð fyndið.

Svo upp á hótel og settumst með þeim við sundlaugina á þakinu.. komin í góða slökun.

Svo í Hamman (á Hammam Al Andalusia?) fínt, en ekki til fyrirmyndar að hafa lítinn gosbrunn hálfpartinn grafinn í gólfið á aðal gönguleiðinni, Iðunn hrasaði illa en slapp með marbletti.

Það tók svo smá stund að finna stað fyrir kvöldmat, vorum með ítalskan á bak við eyrað en þeir sem fengu góð meðmæli voru pínulitlir og ekkert pláss fyrir fimm manns. Við enduðum á Bar La Bouganvilla og það vildi svo vel til að úrslitaleikur Englands og Ítalíu var í boði í sjónvarpinu. Þóra og Iðunn fengu þetta úrvals lasagna, sem var samt ekki líkt neinu lasagna, mauksoðið ‘uxahala’kjöt og engir tómatar.

Leikurinn endaði kannski ekki vel, en verst að staðurinn var með útsendingu langt á eftir öðrum þannig að við heyrðum úrslitin frá fagnaðarlátunum á nálægum stöðum, eða þóttumst geta lesið í þau. Og ekki hjálpaði að útsendingin datt út í síðustu vítaspyrnunum.

En létum þetta gott heita (minnir mig).

Mánudagur

Methiti, megnið af deginum, fór upp í 42 þegar verst lét.

Þannig að dagurinn var notaður til að fara í verslunarmiðstöð sem við heimsóttum stundum hér áður fyrr, Larios, var ansi lúin síðast þegar við kíktum, en búið að endurnýja. VIð fundum nú ekki mikið þar en El Corte Ingles bjargaði mér með einhverjar „áfyllingar“ á fataskápinn.

Svo var fundur með fasteignasalanum á hótelinu og hefði nú mátt ganga betur. Það hjálpaði ekki að Helgi veiktist illa rétt áður en hún kom og gat ekki verið með okkur. En að lokum var ákveðið að hún kæmi aftur að hitta okkur á föstudagsmorgun – og kæmi þá með öll skjöl, ekki bara myndir sem hún hafði tekið á símann af skjölunum á tölvuskjá!

Helgi var alveg frá og þau Þóra höfðu reyndar verið nokkuð veik allan daginn.

Við fórum án Helga á Los Mellizos og fengum nokkuð góða rétti, til dæmis fékk ég frábærar ansjósur í einhvers konar tómat/berjamauki. Ægir fékk túnisktarta, Iðunn skeljar og flestir aðrir réttir mjög góðir.

Við Iðunn gripum bjór og kokteil á Ibis hótelbarnum, rétt hjá okkar hóteli, en Þóra og Ægir fóru að sofa.

Þriðjudagur

Helgi var enn slappur en samt betri en okkur þótti réttara að fresta fyrirhugaðri Benalmadena ferð um einn dag.

Við Iðunn fórum á smá rölt, kaffi, búð, bjór, búð, matarmarkaður og svo meira ráp, kom okkur mest á óvart hversu vel fúli þjónninn hans Helga tók okkur, eldsnöggur að taka pöntun, afgreiða og koma með reikninginn.

Desigual búðin var mun minni en okkur minnti og enn minna spennandi. Við fundum samt eitthvað á rápinu og duttum svo inn á hótel sundlaugina þegar leið á daginn.

Fyrir kvöldmat hittum við svo Helga, Þóru og Ægi Mána á Sherlock Holmes bar, smá bar rölt og nauðsynleg barstopp – og svo á Mexíkóska staðinn, Alcasabar, fínn matur og kokteilar. Nokkrir drykkir á Mojito bar fyrir svefninn. Var aðeins meðvitaður um of marga drykki um nóttina.

Benalmadena

Góður morgunmatur og tókum svo lestina til Arroyo og röltum niður til Benalmadena. Margir staðir enn á sínum stað en aðrir lokaðir eða farnir, söknuðum Flying India. En fórum í hádegismat á gamla strandbarnum, ég gat ekki valið á milli sardína og „seabass“ [sæbrimi?] þannig að ég pantaði báða réttina. Og báðir stóðu undir væntingum.

Komum okkur svo fyrir á sólbekkjum í nokkra klukkutíma, létum fara vel um okkur með bjór og lesefni og fórum (mismikið) út í sjó.

Terry, sem hefur gjarnan verið okkur innan handar, svaraði hvorki skilaboðum né símtölum og við hittum svo sem engan. Það var ekki stemming fyrir strætó til Malaga, enda búin að kaupa lestarmiða báðar leiðir, þannig að næsta mál var að fikra sig til Torremolinos. Stutt stopp á írska barnum Shamrock, svo smábátahöfnin þar sem Da Fano var enn á sínum stað. Við breyttum skipulagningu og pöntuðum mat þar og þeir hafa engu gleymt, frábær matur.

Við löbbuðum til Torremolinos og komum okkur fyrir á bar hjá vingjarnlegum belgískum þjóni, sem talaði reyndar ekki mikla ensku, en var ekkert nema vingjarnlegheitin og gaf Iðunni nýjan bjór eftir að hennar fór niður í smá handapati og gaf Ægi Mána stóra vatnsflösku að skilnaði.

Þá var enn á dagskrá að finna lestarstöðina, sem gekk eitthvað brösulega, en hafðist á endanum, nægilega tímanlega fyrir síðustu lest til Malaga. Sú lestarferð var vel skipulögð og við fengum nýjan lestarstjóra til að keyra okkur frá næst síðustu stöðinni yfir til Malaga.

Eitthvað var ég orðinn þreyttur og aumur í fótunum og hafði verulegar áhyggjur af að morgundagurinn yrði erfiður, ef ekki ónýtur.

Við komum upp á hótel um tvöleytið, góð sturta og loksins komin „mini-barinn“ á hótelinu að gagni, flöskurnar hjálpuðu mikið við að kæla iljarnar.

Lokadagur

Síðasti heili dagurinn í Malaga, mikill léttir að fæturnir voru að mestu í lagi, Iðunn með auma tá, en Helgi átti góðan plástur og ég slapp að mestu, varla blaðra til að tala um…

Við Iðunn kíktum í Soho, sem átti að vera áhugavert hverfi en við sáum svo sem ekki mikinn mun á því og öðrum bæjarhlutum. Kaffistopp, bjórstopp, duttum ekki inn á Bar Malaga, sem var svona á bak við eyrað, en ekki nægilega mikið atriði til að við nenntum að leita [það er mjög erfitt að leita í Google Maps] og hittum svo hin á Mellizos í hádeginu, túnfisktartar og sjávarréttasúpa – allt of mikið í hádegismat eftir stóran morgunmat. En það var orðinn fastur liður í ferðinni!

Svo settumst við aðeins við hótel sundlaugina áður en við héldum af stað í síðustu kvöldmáltíð ferðarinnar.

Fyrsta stopp var bar með úrvali af „kraft“ bjór, fengum fínasta bjór áður en við héldum á japanska staðinn Ta Kumi.

Það voru allir klárir í matseðil kokksins og freyðivín, ýmist bleikt eða hvítt.

En þvílík veisla, við vorum svo stút full að við afþökkuðum síðasta rétt fyrir utan eftirrétt, Helgi náði ekki einu sinni að kyngja síðasta bita af næst síðasta réttinum.

Við fengum okkur einn drykk fyrir svefninn, en svo var þetta gott, enda heimferð á morgun.

Heimferð

Fasteignasalinn sem hafði ætlað að hitta okkur til að afhenda okkur öll skjöl um morguninn mætti ekki. Svo komu skilaboð um að hún væri komin á spítala með Covid-19.

En það var ekki mikið annað en að pakka, kíkja í snarl í hádeginu og taka lestina út á flugvöll.

Þar var nokkuð löng bið en gekk merkilega vel og við náðum einum bjór.

Og hittum Tomma (Hallgríms), sem hafð verið nálægt Marbella.

Fínasta flug heim, Viktor sótti okkur og eldaði svo lasagna fyrir okkur.. Alexandra og Bergþóra auðvitað með okkur – en við entumst bara hálfan Barnaby.