Karate, brúnt belti

Fyrir rétt tæpum sex árum dreif ég mig á karate æfingu hjá Breiðabliki, svona til að prófa og sjá hvort þetta væri eitthvað fyrir mig. Ég fann mig fljótlega í þessu, þó erfitt væri, enda ekki í góðu formi og eiginlega enn stirðari en ég hafði verið sem stirður unglingur!

Ég hafði lengi reynt eitt og annað til að halda mér í smá formi, fótbolti einu sinni í viku var (og er) skemmtilegur… en sama hvað ég reyndi annað – það var ekki að virka.

Góðir þjálfarar og skemmtilegir félagar hafa auðvitað haft mikið að segja og ég hef náð að sleppa að mestu við meiðsli og mæta þokkalega vel.

En gráðun í kvöld hafðist og brúna beltið er komið. „Róðurinn“ verður væntanlega eitthvað þyngri í framhaldinu, þeas. kröfurnar meiri, en það er hluti af því hvað þetta er skemmtilegt – og ekki spillir að geta núna æft með eldri hópnum.

 

Edinborg

Fórum til Edinborgar seinni partinn á laugardeginum, vorum reyndar frekar lúin eftir kvöldið, opnun hjá Rúnu, fordrykkur í jólamat Mílu, jólamatur Sambindisins, Fullveldispönk á Hard Rock og fyrir einhverja vitleysu duttum við í Whisky smökkun allt of lengi fram eftir nóttu.

En komin upp á hótel um hálf átta, frábær ítalskur matur á La Piazza, fyrirtaksvín og ekkert svo dýrt… fórum snemma heim á hótel.

Tókum sunnudaginn til þess að gera snemma, alvöru morgunmatur, svo gekk nokkuð mikið vel að finna dót fyrir krakkana í House of Fraser, annars fór fyrri hluti dagsins í að klára jólagjafir, drekka bjór, kaupa whisky og kíkja svo á jólamarkaðinn… jólabjór, trébindi, pylsur, heitt vín, súkkulaðibaunir… Jú, og vín, og smáréttir á Veeno, virkilega góður ítalskur staður, tókum sitt hvora vínsmökkunina, allt vín frá Sikiley. Fórum á Seasons um kvöldið, þreytt steikingarolían var að trufla Iðunni meira en mig. Whisky barinn sem ég hafði gert ráð fyrir að heimsækja og átti að vera opinn til eitt, var lokaður rétt upp úr ellefu, náðum samt einu glasi á öðrum bar.

Aftur tókum við daginn snemma á mánudeginum, hljóta að vera ellimerki. Kláruðum að versla, smá bjór, upp á hótel að pakka, smá bjór… út á flugvöll. Hamborgari með „haggis“ á flugvellinum. Lentum hálf átta og rétt náði í fótbolta, en kannski hefði ég betur sleppt, frekar þreyttur… en alltaf gaman í bolta.

Edinborg - 2-1