Sunny Afternoon að byrja í Harold Pinter leikhúsinu, söngleikur byggður á lögum Kinks… eitthvað fyrir mig!

Kvöldmatur í Austurbrún, skáluðum fyrir minningu Magnúsar

Svona á bjór auðvitað að vera!

Postulauppskeruhelgi

Heldur betur frábær helgi með fótboltahópnum, Postulunum.

Vorum ekki langt frá Þrastarlundi í tveimur bústöðum og nokkrum herbergjum.

Föstudagskvöldið hófst á hamborgurum að hætti Tomma sem hann og Þorvaldur elduðu.. heitur pottur, pool, snóker, borðtennis og póker fram eftir nóttu.

Laugardagurinn byrjaði á alvöru morgunmat, svo sex eða níu holu Texas Scramble golf mót, smá snarl í boði Tomma og “pool”, snóker, borðtennis, spurningar, reglugerðarbreytingar, “hringur”, skálað fyrir afrekum vetrarins.

Fljúgandi hreindýr í fordrykk og síðan þessi líka frábæra nautalaund að hætti Tomma, sem þeir Þorvaldur elduðu, vín í boði Sævars og matarveislan fékk punktinn yfir “i”ið með jarðarberjum og súkkulaði í eftirrétt. Meiri póker svo eitthvað fram eftir.

Spil í Kaldaseli

Spilakvöld í Kaldaseli, enda frídagur á morgun..

Iðunn vann eitt mót, ég náði öðru sæti í síðasta mótinu eftir mikla “dramatík” þar sem Alli Finnboga vann mótið á sexupari þegar sexan kom síðast..

Kópavogsafmælishljómleikar

Við Fræbbblar spiluðum á sextíu ára afmælishljómleikum Kópavogsbæjar í dag. 

Einstaklega skemmtileg samsetning af atriðum úr öllum áttum.

Og ekki spillti að allt skipulag, sem Felix Bergsson og Eiður Arnarsson sáu um, var fyrsta flokks og öll aðstaða, hljóðkerfi, græjur var til fyrirmyndar. Og þá er ég ekki byrjaður að tala um þá sem unnu við uppsetninguna, fagmenn á hverjum fersentimetra!

Ég held að okkur Fræbbblum hafi gengið ágætlega – og veit fyrir víst að öðrum gekk mjög vel… en eins og gengur náði ég mis mikið að fylgjast með öðrum atriðum.

Fyrstu áhorfendurnir mættir á afmælishljómleika Kópavogs í Kórnum

Rokkbarinn

Við Fræbbblar spiluðum á Rokkbarnum í Hafnarfirði, mjög skemmtilegur hljómleikastaður.. held að það hafi gengið þokkalega vel og ekki spillti að sjá aðrar stór skemmtilegar hljómsveitir, Sjúddann og Rafmagnað.. sviðsframkoma og “skemmtigildi” (mig vantar betra orð) heldur betur í lagi hjá báðum.

Rennsli

Rennsli í Kórnum fyrir afmælishátíðina á morgun.. gekk alveg þokkalega vel, held ég. Svo Rokkbarinn í kvöld…

Vorhátíð BUGL

Eftir smá rót og “sándtékk” í Kórnum mætti ég í Ráðhúsið á Vorhátíð BUGL, fínn matur og alltaf gaman að hitta vinnufélaga Iðunnar.. var samt aðeins of duglegur við Whisky drykkju…