Brynja og Óskar…

mættu með osta, snakk, rauðvín.. og svo elduðum við spínatpasta með beikoni og grilluðum pylsum.. eðal sunnudagskvöld.

Matur

Einn matarklúbburinn kom í heimsókn í gær.. Bryndís, Gulli & Kristín og svo Eygló & Stefán. Mojito, hrísgrjónafyllt vínblöð, hrossalund, tveir eftirréttir og svo Whisky smökkun. Skemmtilegt kvöld eins og alltaf…

Sambindishittingur

Fyrsti Sambindishittingurinn í nokkuð langan tíma, Haddi á leiðinni til útlandsins en Sirrý mætti í staðinn.

Hittumst á Marina Hótel / Slippbarnum, skemmtilegur staður, og röltum svo smá hring nálægt höfninni, nokkuð mikið breytt svæði.

En lögð drög að dagskrá vetrarins, sem verður væntanlega ekki flókin.

Pylsufrændfólkspartý

Kári, frændi Iðunnar, og Guðrún konan hans, buðu í pylsupartý.. afkomendur og fjölskyldur Páls & Eggerts Ásgeirsona og Sylvíu Briem.

Gaman að hitta þau, allt of lang síðan við höfum hitt flest þeirra og held ég hafi ekki séð sum barnanna áður.

Kári & Guðrún búa í botnlanga við Víghólastíg í Kópavogi, skemmtilegt hús sem þau eru búin að (endur)byggja.

Brúðkaup Önnu og Palla

Iðunn fjörutíu og níu ára og vill ekkert minna en frið á jörðu og hamingju fyrir alla í afmælisgjöf.

Mættum í brúðkaup Önnu og Palla.. virkilega flott veisla, topp veitingar og vel veitt og ekki spillti skemmtilegt fólkið. Iðunn söng á dönsku og Viktor lagði samviskuspurningar fyrir þau.

Fórum svo á Ölstofuna þar sem við lentum á nokkrum kjaftatörnum eins og vill gerast.. og sigldum heim um þrjú leytið..

Útgáfupartý

Nýja Fræbbblaplatan komin.

Héldum nett partý á Skúla Craft Bar þar sem nokkrir vinir kíktu til okkar.. Mjög skemmtilegur bar og gaman að prófa alltaf nýjan og nýjan bjór.

En var heldur betur þreyttur eftir lítinn svefn síðustu daga.. við Iðunn fórum með Rikka á Bergsson og fengum mjög fínan mat.. en létum svo gott heita og fórum heim. Andrés var reyndar með nokkra félaga í heimsókn.. en var alveg búin og fór að sofa.

Andrés þrjátíu og tveggja

Þá er Andrés Helgi orðinn þrjátíu og tveggja ára.. Vá.

Grilluðum nautasteik í tilefni dagsins og tengdamamma mætti til okkar.

Breiðablik – ÍA

Kíkti með Jonna á Breiðablik – ÍA, og reyndar með hálfu Sambindinu, Hákoni, Orra & Tomma. Hittum svo Krissa & Rúnu.. En skemmtilegur leikur, ótrúlegt að Blikar væru ekki nokkrum mörkum yfir í hálfleik, og eins að þeir skyldu ekki ná að tryggja sigurinn.. Leist ekki á þegar Skagamenn jöfnuðu, en sem betur fer kláraði Blikaliðið leikinn, Jonathan Glenn virðist vera leikmaðurinn sem vantaði í „púslið“. Óliver flottur og reyndar flestir leikmenn, kannski óþarfi að opna vörnina í stöðunni 1-0..

Fórum á Dirty Burger eftir leik.. var ánægður í fyrra skipti, en mikið af „rusli“ í hamborganum í þetta skipti., þeas. þriðja flokks kjöti (eða réttara sagt einhverjir afgangar sem kallast varla kjöt).

Einifell

Búin að vera skemmtilega dugleg í Einifellsheimsóknum í sumar.. vorum reyndar komin með bakþanka, en þá var búið að stilla upp GoutonsVoir hitting.

Í öllu falli þá mættum við um hálfátta á föstudagskvöldið, gripum nokkra bjóra úti í garði í góða veðrinu áður en við röðuðum í okkur ostum og pylsum. Entumst reyndar ekki mjög lengi, en náðum einum vindli í skemmunni fyrir svefninn.

Assi & Stína og Krissi & Rúna mættu á laugardeginum.. Krissi & Rúna unnu Petanque hjónakeppnina, ég vann einstaklings hraðmótið.. og svo tók gufan við. Þá kolagrillaður humar að hætti Rúnu (reyndar eftir gin og tónik) svo kolagrilluð nautalunda að hætti okkar Steina. Höfðum (að venju) áhyggjur af að 1,4 kg nautalund nægði ekki fyrir átta manns.. en eftir allan humarinn náðum við ekki að klára. Iðunn sofnaði strax, Rúna fljótlega og það var svo sem ekkert sérstök ending á gestunum, en við hin fengum eðal eftirrétt í boði Assa & Stínu.

Einifell, sveppir

Gleðiganga og lítill fiskidagur

Kíktum á gleðigönguna og hittum fullt af fólki, að venju…

Skúli í gleðigöngu með borgarstjórn

Viktor með ungliðahreyfingum.

Svo upp í Móa til Öggu á litla Fiskidaginn.. svona fiskveisla fyrir þá sem náðu ekki að fara norður. Sjósiginn fiskur frá Kidda frænda, einhverjar veigar með, fiskisúpa frá Öggu og fiskibrauð frá okkur. Iðunn og Maggi tóku svo að sér svokallaðan „drekkusöng“ – en voru reyndar bara tvö.
Iðunn og Maggi í „drekkusöng“
Fiskur