Greinasafn fyrir merki: Austur – Indíafjelagið

Bjórhátíð og flakk

Kvöddum Hjörleif og Skarphéðinn í Staka eftir vinnu. Þaðan lá leið okkar Iðunnar á Kex þar sem okkur Fræbbblum hafði verið boðið á bjórhátíðina. Við vorum frekar sein og lítið af bjór í boði, fengum okkur nokkra og fórum svo að borða.

Eftir smá rölt lá leiðin á Austur – Indíafjelagið, höfum ekki komið þangað lengi og maturinn var eiginlega frábær, þjónustan fyrsta flokks og í rauninni alls ekki svo dýrt.

Eftir þetta fórum við og hittum þá Staka menn sem enn stóðu í lappirnar, Whisky á Dillon og svo aftur yfir í bjórinn. Á leiðinni út hittum við Ellert, fyrrum bassaleikara Fræbbblanna og snerum við og fórum í meiri bjór.