Postulauppskera

Eitt skemmtilegasta kvöld ársins – já, ég veit að ég nota þetta mikið, en það eru bara svo mörg skemmtileg kvöld á hverju ári – er þegar við Postular [fótboltahópur, ekki trúarhópur] höldum upp á úrslit síðasta tímabils.

Dagurinn byrjaði snemma, í Reykjavík Escape, þar sem okkar hópur fór langleiðina og leysti svo sem þrautina með einni vísbendingu 2-3 mínútum eftir að klukkutímanum lauk. Verst fannst okkur samt að heyra þegar stúlkurnar sem voru í tveimur öðrum herbergjum töluðu um „gömlu kallana“ 🙂

En þaðan í stuttan bjór í boði Tomma, til Matta í heitan pott, Preston-Arsenal, bjór, rauðvín, fljúgandi hreindýr, cogniac, kalkún, Sous Vide nautalund að hætta Kalla – þó Alli og Matti hafi nú eitthvað aðstoðað.

Arnar lagði spurningar fyrir hópinn, í þetta sinn að hluta til byggt á sögu hópsins, Sævar mætti með videó af síðasta tíma, hefðbundinn hringur var tekinn og skálað vel og vandlega fyrir hverju afreki – aðallega sigri Péturs.

Bæjarferðin endaði svo á Magma í skemmtilegu spili, en allt, allt of lengi fram undir morgun.postular-petur-1

Nýársdagur

Tókum nýársdag rólega að venju.. við systkinin (og Maggi) kíktum reyndar upp í kirkjugarð, nokkuð sem við náðum ekki fyrir jól.

Svo heim að horfa á fótbolta, ógleymanlegt mark Giroud, elda svínabóg að venju, þar sem mér tókst að brenna 14 pörubita!

En Dóra var með okkur og Sylvía mætti til okkar.

nyarsdagur-2-b