Þóra Kata (næstum því) þrítug

Þóra Kata hélt upp á þrítugsafmælið sitt á SPOT, örlítið fyrir tímann.

Eitthvað um forföll hjá „eldri borgurunum“ í fjölskyldunni, þeas. þeim sem eru komnir yfir þrítugt. En skemmtilegt kvöld sem lauk með „sveitaballi“ með Made in Sveitin (Nonni hennar Kötu spilar jú á bassa)… Mjög vel spilandi og lagavalið talsvert betra en ég hafði þorað að vona. Og það er alltaf miklu skemmtilegra að hafa hljómsveit.

Kata ákvað reyndar að hafa „nineties“ sem þema kvöldsins.. það sést best á klæðnanum á leiðinni í afmælið hvað við vorum áttavillt við að fylgja þessu.

Þóra Kata - afmæli - 2

Melody og Hanna í Austurbrún

Magnús & Sylvía buðu í mat í Austurbrún með Hönnu og dóttur hennar Melody – sem báðar búa í Bandaríkjunum. Iðunn kynntist Melody þegar hún var í heimsókn hjá ömmu sinni í Sólheimunum. Þær hittust seint á níundaáratugnum en hafa ekki hist síðan. Sæmi kíkti í heimsókn með fréttir af íbúðakaupum.

En gaman að hitta þær mæðgur…

Austurbrún - Melody - 4

Körfubolti og hákarl

Byrjaði daginn á framhaldi á námskeið allt, allt of snemma. En dagurinn svo sem rólegur…

Fórum svo á Ísland-Bretland í Laugardalshöllinni… ekki leiðinlegt að sjá frábæran sigur Íslendinga og ekki spillti að Haukur Helgi var frábær. Isabel frænka Iðunnar og Louise mættu með Magnúsi og Sylvíu – og ekki vantaði fjölskyldu Hauks – og þær ákváðu að halda með báðum liðum.

Við kíktum svo aðeins á Íslenska barinn þar sem Guðjón var að vinna. Iðunn ákvað að „leyfa“ ensku stúlkunum að smakka hákarl og svartfugl og harðfisk. Þeim líkaði ekki illa við harðfiskinn, fannst svartfuglinn fínn en kúguðust við að smakka hákarlinn.. Guðjón bætti smá brennivíni við smökkunina og þær lifðu þetta af..Hákarl - 2 - lítil

Gay Pride

Önnur helgin í ágúst kallar alltaf á snúna ákvörðun, fara á Fiskidaginn á Dalvík eða vera í bænum þar sem Gay Pride er..

Í þetta skipti varð Gay Pride fyrir valinu, enda styttra að fara, fórum síðast til Dalvíkur og Isabel, ensk frænka Iðunnar, var í heimsókn frá London.

En dagurinn byrjaði bókstaflega fyrir allar aldir, ég vaknaði hálf fimm til að taka þátt í námskeið á vefnum… sem stóð fram að hádegi.

Náði að leggja mig aðeins, en síðan fórum við á Gay Pride.. hittum Adda, Sylvíu, Isabel, Louise, Viktor, Brynju, Öglu, Helga, Þóru, Kára, Ægi Mána, Kristínu og auðvitað miklu fleiri.

Þaðan í Fógetagarðinn að prófa nokkra smábita með bjór.. svo á Micro bar og síðan á Kalda. En ég þurfti að vakna aftur snemma í námskeið og fórum til þess að gera snemma heim… svona um níu leytið.

Gay Pride

Fógetagarður, Ob-La-Di …

Fórum á flakk… byrjuðum á matarhátíðinni í Fógetagarðinum, þar sem við hittum Brynju. Við fengum eiginlega bara nokkuð góðan mat, þorskurinn frá Kex kannski bestur. Kristín hitti okkur svo undir lokin, rétt náði í mat því flestir staðirnir lokuðu fyrr en hafði verið auglýst.

Fógetagarðurinn 1

Þaðan yfir á Micro Bar, sem er óneitanlega skemmtilegur bar, en allt, allt of dýr.

Yfir á Austurlandahraðlestina þar sem við fengum okkur smárétti.. allt í lagi, en alltaf pirrandi þegar maturinn er ekki almennilega heitur og rauðvín hússins ódrekkandi.

Svanhildur hringdi og bauð okkur í heimsókn, sem við þáðum, en fengum okkur eftirrétt á Badabing ísstaðnum, sem var eiginlega bara nokkuð góður þó ég sé alltaf minna og minna fyrir ís.

Í öllu falli náðum við til Svanhildar & Jim og sátum þar að sumbli ásamt fleiri gestum, ýmist með Mojito eða bjór, sem ég lét duga.. þó þetta hafi nú verið einhver besti Mojito sem ég hef smakkað. Rétt undir miðnætti – eftir að hafa tekið nokkurs konar vítaspyrnukeppni þar sem hundurinn þeirra (Lukka?) var í óskilgreindu marki – fórum við á Ob-La-Dí Ob-La-Da á Frakkastígnum… mjög flottur lítill bar sem býður upp á lifandi tónlist. Í þetta sinn voru Homo and the Sapiens að spila.. Andrea var gestur hjá þeim í nokkrum lögum. Mjög flott hljómsveit og einstaklega „vel-spilandi“, ef ég má nota útjaskaðan frasa.

Þarna var klukkan eitthvað farin að nálgast þrjú og enn einu sinni höfðum við ekki vit á að fara heim (nema Jim) heldur fórum við Iðunn, Brynja, Kristín og Svanhildur á Ölstofuna og vorum, eins og stundum áður, allt of lengi.